Sesongen går mot slutten…

Mykje båt i år, men lite bruk av NBen. Sånn er det av og til, men litt bruk av den har det også vore.

Blant anna ein fin tur med overnatting på Kolsøy igjen, kjekk plass.

No består «rederiet» av tre båtar, NBen, LitleFRI (J80) der eg eig 50% og fiskebåten (Innværsnekke med 10 hk Saab) som poden fiskar kreps med…

Poden er sjølvgåande, men av og til må far bidra. Kjekk avkobling slikt…

Vanlegvis seiler me dei fleste Tirsdagsseilasane på hausten, men mykje reising på jobb og ferie gjorde at det i år vart null, for første gong.

Men me fekk med oss Windjammer og Klasen, bildene er frå Windjammer, kjekk seilas som enda med gennaker i sjøen, 30 min for å få den ombord igjen, og dermed siste plass… Shit happens!

Derfor vart sigeren i Klasen ein stoe opptur og fin avslutning på sesongen! No er alt av seil og trekk tørka og pakka på loftet…

Men dei to andre båtane er i heilårsbruk…

NBen skal no snart få ein større sjekk av motor med rens av kjølere og for sikkerhetsskyld skrur verkstaden ut injektorane og sender dei inn for sjekk…

Me har også tatt på oss eit oppussingsprosjekt av ein Uttern 68D, meir om det seinare…

Årets høgdepunkt, Seilferie i Kroatia!!!

Dette har me gleda oss til heile året, etter at turen vart bestilt i nyttårshelga!

Det vart eit flott veke, sjølv om me ikkje fekk så fint ver som ein drøymer om. Uansett, 5 av 7 dagar med sol og fin temperatur er heilt innanfor, men me fekk også uvær og i Bol snudde vinden slik at det vart ei natt med lite søvn og stormfortøyningar!

Uansett vart det ei herlig veke, topp motivert gjeng som bidrog upåklagelig i havnemanøvrane og undervegs for seil!

Me har hatt Hanse seilbåt før og dermed valgte me å leige Hanse her også!

Hanse 410 er ein heilt ny modell og berre nokre mnd gml båt. Det var ein nydelig båt, enormt med plass til berre å vere 41 for! Denne fungerte fint for 3 par. Unntaket er litt lite stuveplass, men med litt nitidig pakking ombord fann me luker i dørkar og andre plasser til å pakke bort baggar og anna me ikkje trong i det daglege!

Me kjørte safe sidan det var første gong for våre venner, me hadde ikkje lange etapper, ideen om å stå opp tidlig å gå ut før alle andre vart ikkje noko av, her var det full avslapping, men me logga likevel 113 nmil på 6 dagar og 30 liter diesel brukt så me fekk nokre timar kvar dag og seilte stortsett heile tida!

Det er rett og slett magi å ankre opp i uthavn og berre stupe i sjøen som fortsatt holdt 22-23 grader i midten av Sept. I Kroatia er det eit utall av slike plasser, veldig ofte er det ein restaurant i fjellsida. Så det er kort til middag. Me laga ikkje middag ombord.

Havneleige er latterlig dyrt i Kroati, 1.700,- kosta det i Palmasana Marina som nok er veldig hot ifht andre plasser. Men også heilt ordinære plassar tar minst 1000,-! 

Men med 6 å dele på og nokre overnatting på anker/bøye så vart uansett ikkje den posten så stor. Alt i alt vart det ein veldig rimelig ferie med va 15.000 pr person, inkl alt av fly, båt, restaurant og havneleige!

Dette vart så suksess at same båt allerede er leigd til neste år!!

Arendalsuka!!

Det vart veldig mykje båt på hausten i år, heile to fulle veker ombord i båt etter fellesferien, men begge vekene i leigde fjør!

Først ut var Arendalsuka med jobb der eg hadde ansvar for å seile båten tilbake til Nøtterøy etter at Uka var over. Fruen kom ned og eit av parene me skal seile i Kroatia med hadde ferie, og vart også med som ein test på kva som venta!

Det vart ein flott seilas tilbake, men godt med vind, 15,5 ms blåste det ved Svenner når me surfa inn på medvinden der laurdag kveld, men det var ingenting ifht sjefen som seilte den ned i motvind og opp mot 20 ms!!

Båten var ein sværing, Jeanneau 469, men utrulig lett å håndtere. Plutselig er den i Kroatia blitt ein liten båt😂

Båtferien på Vestlandet

Nord-Norge ferien vart forlenga som følge av herlig ver der og middels her heime, men nokre dagar på båten måtte me få på Vestlandet også.

Eg kom heim på MCen fredag ettermiddag og søndag ettermiddag la eg avgårde, åleine først natta.

I Ferøyo, så me kallar plassen rett utanfor Sandvikvåg der det tidligare var Hummerpark, har eg vore mykje i ungdommen. Eg har til og med jobba med å fanga og pakka hummer som tenåring…

Her er det no laga fint til med trekledd betongbrygge og litt historikk om parken med ein fiffig løsning der du kan trykke på ein knapp å få nokre historier frå dei som dreiv parken, spelt av over høytaler.

Det er også flotte benker og bålpanner, bygd av restane etter bygningsmassen som no er tatt ned!

Mandag henta eg fruen i Sandvikvåg og me gjekk videre til Austevoll og det årevise vennetreffet i Vinnesvågen! Det er denne gjengen me skal seile i Kroatia med så her skulle me, mellomanna, planlegge seilferien!

Litt hektisk, hasta me videre seint tirsdagskveld til våre neste «venner med hytte ved sjøen», på Bjorøy. Eg tok sjansen med litt lite diesel etter å ha svidde av veldige mengder opp langs Stord til Austevoll. På grunn av lite bruk hadde det danna seg voldsomt med rur på propellen og det mangla faktisk 5 knop, 14 mot normalt 19 på 2900 omin! Dykking med smergelpapir ordna biffen i Austevoll.

Men me kom fram til Bjorøy, men aldri har me hatt så lite igjen på tanken.

Etter kjekt lag på Bjorøy vart det Bergen to døgn før me hadde familietreff i Austevoll igjen for å feire far min sin 79 årsdag! Veldig kjekt, etter middag på Gjestgiveriet gjekk me igjen til Ferøyo for å vise han far korleis det hadde blitt laga til der!

Flott tur som vart litt for kort syns eg…

FFlott med frokost underveis nedover til Austevoll igjen og deilig med 19-20 knop igjen når frokosten var over…

Draume sommar i Nord-Norge

Båtturen på Vestlandet blir kortare enn planlagt i år, me reiser alltid 2 veker til Nord-Norge først, men i år var vermeldingane for 3. veka så mykje betre i nord enn vest at fruen flytta billetten og eg utsatte returen på motorsykkelen!

Det er og tradisjon at eg gjer vedlikehold av svigerfar sin Nb 820 Sport, så også i år og dermed var det jo ekstra kjekt å få bruke den nokre dagar i draumever!

Målet var Meløyvær og ferskvannsfiske på Rollnes. Sistnevnte måtte droppast, det var rett og slett altfor varmt. Fisken bit dårlig, men også fordi det blir slitsomt mog mykje insekt elskar jo svette mennesker😳

Meløyvær må vere Nord-Norge sitt svar på Koster, herlighet så flott og alt var veldig velholdt!

Etter Meløyvær skulle me til Rollnes, men i det sinnsvakt fine vèret stoppa me på ein heilt magisk strand me hadde sett på veg ut til Meløyvær. Der var det ein bøy me kunne ligge i og padles oss inn til stranda. Slik er det jo i nord med 2 meter forskjell på flo og fjære…

Stranda viste seg å vere veldig populær, her rant det på med småbåtar og me fekk også besøk i bøyen av nokre hyggelige folk frå Stokmarknes i ein NB870…

Bading i nord har aldri skjedd før for min del, men med nesten 30 grader på land så var det faktisk heilt nødvendig! Temp i sjøen? Mja, 14-15 ganske, friskt var det iallefall😂

Det var så fint at me overnatta i bøyen og gikk innom Rollnes på veg heim dagen etter, flott plass der også og me har kjente me besøkte der med fantastisk gjestfrihet som alltid i NordNorge!

Etter nokre timar satte me kurs mot heimehavna og då kom også vind og litt lågare temp, men ikkje noko vestlenninger tenker på som anna enn «ok sommarver»😅

Takk for lån av ein veldig kjekk båt👍

Kveldstur til Tveitaøyane

Juni 2024 vart dessvere mnd med mykje dårlig ver, og det viser igjen på båtbruken. Kun 2 turar utpå i heile Juni!

Men i slutten av Juni fekk me ein flott kveldstur til Tveitaøyane øst av Huglo. Kalesjen av og greier!

Reker til middag… 

Flott tur for meg og den bedre halvparten

Dugnadshelg i Eggøyo

Kvart år har me ei dugnadshelg på Eggøyo. Det var min ide og tanken er at det slik går ann å skille litt mellom alt vedlikehold me må gjere og det å feriere der ute!

Meldt mykje nordavind og meldingane slo til, humpete nordover på fredag kveld med 16 ms i kastene, men NBen dure fint og behagelig gjennom sjøen i 11-14 knop…

Fint ver ellers, men iskaldt på taket i denne vinden og me møtte halde oss fast i vindkastene når me spylte taket for mose..

Hidle

Fin tur igjen 20. mai. Gjekk berre til Hidle, ankra eit par timar for å lese bok. Vart litt mykje bølger frå båtar, men gjekk fint!

Fleire bilder av kalesjen, no har Hauge vore på Stord og tatt mål, satt nye hull og planlagt «kiler» i hjørnene av hardtoppen. Bra service, men litt bekymra om det blir ekstra lekkasjepunkt på taket med desse kilane…

Time will show som han sa, Blodstrupmoen. Ok service iallefall. Dei kjørte einsærend ned til Stord frå Bergen, men så var heller ikkje kalesjen brukande slik den var heller…