Frå 320 til 370 hk...

Den absolutte hovedgrunnen til at me kjøpte 32en på Ibestad var at den hadde Yanmar sin V8 motor. 8LV. Det var sjølvsagt ingen ulempe at båten bar preg av lite og forsiktig bruk, både innvendig og utvendig, med motor som såg ut som ny.

Problemstillingen med NB32 er at nesten alle er levert med 6LP, 295 hk. Sjølv om mange med denne virkar å vere nøgd er min klare oppfatning at det er for lite i denne båten, spesielt når ein har fylt opp og er klar for tur. Skorgenes brukar 400 i denne no feks.

Eg prøvde ein Nb32 i Stavanger med 8LV-370 og vart imponert over farten, 26,5 knop på fult før vårpuss og ok forbruk iflg måler.

Einaste hake med vår var at denne hadde 320 utgaven og ikkje 370... av 8LV. Men eg var og klar over at motorane fysisk er heilt identiske, så eg rekna med at det skulle gå greit å få den opp til 370.

Vel, alt blir ikkje perfekt så den kamelen måtte eg ete skulle det bli ny båt...

Fart og forbruk har vore det einaste eg ikkje har vore nøgd med på 32en, ellers er det ein herlig båt så no var det på tide å ordne med denne kamelen...

Først gjekk henvendelsen til Yanmar, planen var heile tida å få motoren opp til original 370 og ikkje ein chippa +370 der ingen veit heilt kva som er gjort og kor mykje effekt som er tatt ut

Etter månader med sjekking måtte eg innsjå at å få Yanmar med på dette var berre å gløyme. MEN, dette bildet viser at Yanmar kan hvis dei vil og det viser også at 320 og 370 er akkurat samme motor fysisk. Bildet viser at Yanmar gjorde akkurat denne jobben i 2018 på ein Marex 320.

Uansett om Yanmar hadde godkjent jobben ville det nok fort bikka 100.000 i dag. Ny ECU i Yanmar verden kostar nok fleire nyrer er eg redd. Når dieselfilteret kostar 2.400 så...

Vel, long story short, Raimond Nordnes Røssland på Husnes har utstyr og kompetanse til å endre ECU fil på 8LV. Etter å ha sjekka historikken hans så godt eg kunne gjekk turen over til Sunde for oppgradering til org 370 fil. Han hadde ei 400 hk fil, men eg takka fint nei, dei 8 andre 8LV han hadde justert var alle tatt til 400, den eine til 466 hk!! 

Sidan eg insisterete på 370 med originale verdiar, kjøpte han ei 370 fil frå leverandøren av programvaren, sende 320 org fila til leverandøren og fekk tilbake originalfila til min 320, no med 370 verdiar. Det er iallefall slik eg har oppfatte at det vert gjort.

Dette trur eg er så nært du kan kome ein original 370 frå ein 320, utanom Yanmarsystemet.

Eg har alltid vore skeptisk til tuning av motorar, tanken min har alltid vore "kvifor har ikkje motorprodusentane sjølv tatt ut meir effekt om det er heilt trygt" ... Spesielt i båt som går tungt heile tida.

Eg hadde ikkje justert opp ei utgave som eg ikkje visste var eit detuna utgangspunkt med samme deler, altså samme turbo, stempel etc, som den effekten eg har bedt om å få... MEN Raimond har justert 1134 motorer, mange topputgåvere av D4-D6 utan rapport om eit einaste havari så det er nok mykje å gå på før du får havari også på topp utgavene, eit anna poeng er sjølvsagt at fritidsbåtar går svært få timar ifht kva motorane er designa for...

Vel, neste no er sjølvsagt å få prøvd med ny propell, det er fryst då me ser kva effekt dette har gitt.

Problemet er at det er nyrepris på propell også, 37.000 for ein 21*24 Radic S8 som er den som er originalt brukt på 32 med 370. Då går den nysmurt 28 knop, det er 5 knop meir enn vår med 320. Ganske vill forskjell. Denne infoen har eg fått frå han som kjøpte den eg prøvde i Stavanger.

Det er vanskeleg å treffe på propell, 21*24 er samme propell som brukes på Viknes 930 med 370 og det er ein lettare båt så eg er nok redd at 21*24 blir tungt ferdig ferielasta. Eg trur 21*23 hadde vore riktig propell, men sikker er eg ikkje og kjøper du ein propell til 37.000 som er feil, ja då må du leve med den eller få den justert. 

Winrace har tilbud om at du kan få justert ein propell om du kjøper feil... inkl i prisen på ny propell...

Vel, eg har no i første omgang tatt ein råsjans på ein heilt ny BT propell eg kom over på finn.no, kr 5.500 for denne er jo ingenting ifht 37.000, den er nok mest sannsynlig for lett, men bedre enn den me har. Det blir nok test med denne no i haust så får me ha den som reservepropell når me kjem over 21*23 Radic S8...

Høsten 2026

​Året 2026 blir ikkje hugsa som eit år med godt båtver! Det er heilt sikkert!

Sommaren var svak og det har fortsatt utover hausten og dermed har båtbruken blitt deretter!

Ein tur til Løkjelsøy i nokre timar og ein tur til Fjeldberg for å fylle tankane før avgiftene vart auka igjen, det var alt i August med unntak av dei to siste dagane av ferien då.

På turen til Fjeldberg så tok eg meg nokre timar, ankra opp på ny plass, laga middag (ferdig pizza) og utforska aust og nordsia av Fjeldbergøya

Sommarferien 2026 - Dag 12 - Langevåg

Ein fint båttur med ok ver går mot sin slutt.  Det er laurdag og jobben kallar mandag. Men sidan ungdommen har fest heime stoppar me på Langevåg, Bømlo på det siste strekket.

Me gjekk oppover til Haugesund på innsida av Karmøya pga vind på starten av dagen og ein lunch-avtale med svigermor. Me fekk plass i gjestehavna, og hadde nokre trivelege timar før me la i veg over Sletta. 

Me forstod fort at det var kamp om plassane i Haugesund før Sildajazzen. Ein kar med seilbåt passa på å fortelle dei som prøvde seg at det var reserverte der han ville ha kompisen sin båt:) Eg måtte spørje om det gjekk ann å reservere, men han smilt og sa at du kunne bestille plass, men du fekk ikkje tildelt noko eksakt plass så litt mafia her altså... Hadde ikkje orka å lagt der med båt uansett...

Sletto gav oss 1 meter dønning og litt under vanleg marsjfart, ca 14-15 knop var passe. Uten tvil svært god i sjøen denne båten, berre den har litt fart.

​

Dyrnes fyr står på lista over Trimpoeng som me tar me oss og som får oss i litt aktivitiet. Me sykla først til Skipavik frå Langevåg, ca 20 min med ein mørdarbakke i starten så ca 30 min å gå ut. Periodevis øspøs sjølvsagt så med søkkblaut shjorts ankom me Dyrnes fyr. 

Barnebursdag kl. 14 var ikkje årsaken til at me snudde fort, veret innbøy ikkje til å sette seg ned å nyte utsikten, slik den gjorde sist me var der.

Me gjekk tilbake, sykla til båten og då var det berre å innsjå at også årets båttur var over. 1 time igjen i litt medstrøm slik at me såg 18 tallet på loggen var ikkje feil...

Laurdag kveld og ingenting er som egen steikt pizza i båten, herlighet så godt da e:)

Sauna har blitt populært, me orka ikkje denne gongen, men flott tilbud

Ikkje alle som er ute med båten kvart år ser eg... Trist syn

Oppsummering:

Som på MC vart også båtferien noko prega av veret, men siste del sørover var ok og me fekk tross alt greit nok ver på første del også, med unntak av helga på Austevoll, men då hadde me gode venner med, men tenk Palepop i nydelig ver på Stolmen, det hadde vore magisk. Me kryssar fingrane for neste år.

Fasit vart faktisk 250 nmil og 508 liter diesel, rundt 2 liter pr nmil og i under kant av 10.000 i diesel for 2 veker er ikkje verst. No er det jo slik at det er sakte kjøringa som gjer at me havna på eit slikt snitt. I fart går det mykje, fort 2,8 pr nmil. Det syns eg er mykje, no er det kanskje litt groe og den blir jo meir lasta sjøl om det berre er oss to, men det blir spanande å sjå no som me tenker å skremme ut litt meir hestekrefter og ikkje minst 100 nm meir moment ut av motoren. Heldigvis er motoren ein nedskalert 370 hk så å ta den opp frå 320 til 370 skal vere heilt uproblematisk. Det tas også meir ut av 370 motoren, men det har eg ikkje tenkt å prøve ... 

Vel, mykje meir info om dette kjem nok utover høsten...

Sommarferien 2026 - Dag 11 - Skudeneshavn

Litt lettare ver ut mot kysten gjorde at me valgte å gå lengre ut på veg heim. Det stod mellom Kvitsøy og Skudenes, men sidan det er veldig lenge sidan me har vore i Skudenes enda me der. 1.5 meter bølger mellom Kvitsøy og Skudesnes. Ned i 13 knop slapp me ubehagelige slag og fekk ein god overfart uten noko stress.

God tid til sykle turar her også både dagen me kom og før me for dagen etter.

Flott på utsida på kvelden, tanken streifa meg om å gå vest om Karmøy, men mykje vind dagen etter (13 i kasta) gjorde at det vart uaktuelt.

Fyret ved innløpet til Skudesnes, virkar å vere solgt privat, mykje skilt som tyda på det. Litt trist at det blir stengt for allmenheten, men sånn er det vel når det offentlig ikkje kan vedlikehald...

Eg innser at eg har eit elendig kamera i motlys...:) Artig hus dette... 

Sommarferien 2026 - Dag 10 - Stavanger

Me hadde ikkje tenkt oss lengre enn til Stavanger så relativt tidleg kasta me loss frå Tau og gjekk over fjorden mot Lindøya og Stavanger i havblikk og overskya.​

Greit å komme tidleg i havn i Stavangar, ellers kan ein gløyme plass i fellesferien.

Uansett var me så tidlege at me stoppa eit par timar på Lindøya, her har me ikkje vore sidan me var der med seilbåten i 2008 trur eg det var! Flott plass, godt med litt trim rundt øya på dei fine stiane der

Eg les egentlig berre bøker i båten, men då les eg mykje. Det går alltid i krim, men på bruktbutikken i Skånevik kom eg over denne boka. I Stavanger var den lest ferdig og det er interessant og tankevekkande å les om krigen og det folk måtte gjennom for vel 80 år sidan. Me har mykje å takke dei for og ein må aldri gløyme. Kanske meir aktuell bok enn på lenge dette...

I Stavanger fekk me vår beste dag i ferien 22 grader og delvis sol. Me storkoste oss, vart liggande att me ein Viknes 1030 2022 modell med trivelege folk frå Sogn. Ein kan jo drøyme seg bort litt, men uten ein skokk med barnebarn eventuelt så er det meiningsluast med større båt for oss, meir fart kunne eg likevel tenkt meg og der har eg ein plan som det nok kjem litt info om snart...

Sommarferien 2026 - Dag 9 - Tau

​Me fekk trimma oss bra på syklane både dagen me kom og før me la kursen til Tau. Først sykla me mot fergeleie på Sjernarøyane, då kom me over denne bruktbutikken som kanskje lova litt meir enn den kunne halde med ein Pleikan som trekkplaster:) Say no more...

Heilt supre vega å sykle på. Det var rundt 20 grader, men sporadisk plaskregn så her var mulighetane for å bli søkkblaut i løpet av turen store.

Hjalp ikkje å kjøpe 3 fot større båt, fortsatt blant dei minste, men der trives me godt...

Me snirka oss sørover frå Helgøysund, innom Rossøya som er ein av perlene dei har i Ryfylke, men som på alle tilrettelagte plassar blir det alltid fult med båtar. Me kunne lett spurt om å få ligge utanpå ein av motorbåtane, men me hadde ikkje noko god plan for middag så me tøffa videre til Tau heller

Tau var ein positiv overraskelse, fin gjesthavn og flott tilrettelagt.

Påveg for å hente take-away gjekk me gjennom ein park og den var verkeleg flott lagd til...

Ein roleg kveld i gjestehavna på Tau, saman med mange bobilar. Glad me har båt...:)

Sommarferien 2026 - Dag 8 - Ryfylket

Bedringa i veret kom allerede tirsdagen så etter 2 døgn heime var det tid for å komme seg i båten igjen og med meldingar som viste bedre ver sørover, la me kursen over Sletto og inn i Ryfylke. 55 nautisk vart det lengst strekket på årets båtferie.​Først måtte me fylle diesel på Leirvik. Endeleg har det dukka opp eit cruiseskip på havna. Me får håpe dei la igjen mykje pengar.

Det var 1,5 til 2,0 meter sjø på Sletto, men det er ikkje noko sak, me måtte ned til 14-15 knop, men ellers gjekk det fint. Me gjekk forbi fleire som gjekk sakte, om det er for å spare diesel veit eg ikkje, men det slingra godt så at dei gidd det forstår eg jo ikkje heilt då, men, men...

Ryvarden...

Sjølv om me ikkje stoppa i Haugesund går eg alltid gjennom her, greit å få kokt kaffi og tatt det litt rolig etter at ein på Sletta ikkje kan drive med slikt

Me gjekk nye vegar denne gongen, her ein av naturhavnene i Skippo, men me kom fram til at me ville gå over til Sjernarøyane så me kunne trimme og handle litt.

Litt mørkare bilde enn i virkeligheten. I fint ver er det mange gode plassar sør for Haugesund, før Boknafjorden.

God plass på Helgøysund. Mange år sidan me var her sist.