Det vart både mørkt og kaldt før me fortødde i Uskedalen, men ikkje for alle som ein ser:)

Laurdagen stod fjelltur på programmet og besøk av våre gode naboar i nybåten. Det vart mykje mas den morgonen... "ka tid kjeme di då????", kvart 5 minutt:) I dag fekk begge vere med heim i motorbåten, hmmm spørs korleis det går når dei får teften av fart:)

Fin båt!

Skogsturen mot Engledalen og ned på Eik vart veldig bra, til tross for lett regnvèr. Kaffi og pølespause midtvegs gjorde godt for stor og små. Ola sprang etter trollet heile vegen og gløymte rett og slett å bli sliten:)

Her er det "pølsefest" i FRI før avreise på søndagen

Uskedalen!

Vert dette årets finaste sommardag? Iallefall knallver i det me sig inn fjorden dei 16 nautiske mila til Uskedalen frå Eldøyane. I morgon står det fjelltur på programmet og forhåpentlegvis får me besøk også:)

Fjeldberg Rundt 2011

Søndagen rant med stive musklar og trøtte auge etter eit hard seilerliv på laurdagen. MEN, det var tid for regatta igjen, Fjeldberg Rundt denne gongen. Planen var singlehanded, men Gustav frå Wartsila dukka opp, det samme gjorde far min. Så vips 3 ombord, dette kunne vel ikkje gå bra?
Vel, starten gjekk sånn nåkenlunde, kom litt for nært linja og måtte opp i vindauga og dermed forsvant siget i båten. Utover fekk me fin kryssevind og jammen vart det ikkje flott og varmt ver. Solbrillene måtte til og med fram:)!

Me låg ikkje langt bak Silje, men ho drog frå på kryssen, som vanleg. Ikkje allverden, men nok til at det vel var 10-15 minutt ved Fjeldberg, men den gode nyheten var at Silje holdt følge med både Amelia og Average med hhv 1,32 og 1,27 i LYS. Rimelig nøgd med første strekket mao.

Utan spinnakerpose måtte me sette frå luka i forpiggen, det gjekk fint når eg hadde mannskap, første jibben enda i store misforståelsar, rormann legg over etter instruks, men når to skal samarbeid om ein jibb fyrste gong går det fort litt for tregt og når rormann ikkje er obs på dette så endar det som så ofte før, gennakeren sleng seg rundt forstaget og klamrar seg fast som om det var livet det stod om! Ein del ord du ikkje finn i ordboka kom dei neste minutta, men det er egentlig berre å jibbe tilbake, få storseilet over igjen så byrjar ein motsatt effekt og vips er den laus. Det kan ta litt tid, men funkar kvar gong. Problemet var at me var nært land, men det gjekk...

Det gjekk greit nok gjennom Sydnessundet, men då regnet kom for vinden så det tok tid. Utover på nordsia av Fjeldberg vart gennakerkursen svært skarp og med fallvindar frå fjellsidene skulle me berre tatt ned, men dei andre var langt føre og skipperen meinte dette skulle gå, berre me jobba og falt av i rossene. Det gjekk bra eit par gonger med over 9 knop på flat sjø, men så kom monster broachen, det var med nød og neppe me ikkje gjekk over stag... Det er stas med gennaker. Vel, me kom på kurs igjen og kom oss ut over, vinden vart meir stabil og alt var fryd og gammen... Men det skulle ikkje vare. Vinden dreide og me måtte falle ned. Me stod litt for lenge før me måtte innsjå at vinden ikkje kom til å dreie tilbake.

Ein del misforståelsar igjen førde til at gennakeren raste ut når det skulle ned. Fallet er heilt ute, gennakeren står som ein paraglider høgt høgt oppe... Så ryk knuten på fallet og herligheten går i sjøen som ein gigantisk trål, igjen ein del ord du heilt sikkert ikkje finn i ordboka, men med god hjelp av Gustav fekk med den ombord like heil, fokka ut og me kom oss i mål omsider...

Oppsummert
Grei nok kryss, det må nok løygang til og helst nytt storseil også for å få vesentlig betre performance på kryss. Setting av gennaker gjekk fint, missen i jibben var unødvendig i den relativt lette vinden, så stod med for nært land på nordsida og tok ned gennakeren altfor seint... Flott seilas, synd me ikkje gav dei føre oss større konkurranse. Hadde me som dei klart å holdt gennakeren over fjorden kunne det blitt spennande. Håpar nokon har tatt bilder, dessverre har ikkje me gjort det denne gongen...

Ei stor seilerhelg er over...

Bergen Singlehanded vart ei flott oppleving for meg og FRI, 6. plass i klassen med 22 båtar og nr. 19 av 62 båtar overall er eit flott resultat for oss. Det byrjar nesten å bli komisk dette at eg alltid seiler betre når eg er åleine i båten...:)

Her er slik eg opplevde dei 30 nautiske mila, Vest i Havet. Løpet startar og går i mål ved Bjelkarøy nord for Hjellestad. Seilasen går ut Korsfjorden før ein så rundar ei bøye eit stykke frå land på nordsida av Sotra, så er det 6 nautiske mil rett sør til ein bøye eit stykke sør og vest for Marsteinen før me går nord om Marsteinenfyr og inn igjen.

Kartskisse over løpet "Vest i Havet"


Starten gjekk i null vind, FRI passerte startlinja med hekken fyrst, elegant, men eg kom meg i det minste over linja før det hadde gått 15 minutt, ikkje alle klarte det. Desse fekk DNS før det heile hadde starta. Merkeleg regel som blant anna slo ut ein av favorittane, Karl Otto Book. Lurer på kva arrangøren hadde gjort om det var motstraum og ikkje lett medstraum, då ville ingen komme seg over før 15 minutt hadde gått...

Det vert ikkje meir stilt enn dette!




Foto: Geir Morken Nilssen

Etter ca 45 mintut kom det eit sørleg drag som fekk feltet utover Korsfjorden. Eg var særs nøgd med båtfarten, båtane bak holdt seg der og eg gjekk jevnt med Roy, det er alltid eit godt tegn. Utover måtte gennakeren pakkast og koblast på nytt etter at den var oppe i starten. Det gjekk fint og eg fekk opp gennakeren ganske tidlig ifht mange.

Hanse 430en, Yabadoo var rekord tidleg oppe med gennakeren


Ned mot runding hadde me opp mot 2 knop medstraum og SOG var over 9 knop fleire gonger, det store spørsmålet vart sjølvsagt "når skal eg ta ned". Eg valgte å stole på den uprøvde teknikken; fallet på sjøen, ledig skjøte mellom bom og storseil, fall av, dra gennakeren inn bak storseilet, slepp tackline og fall samtidig og dra som f... Det gjekk smertefritt og timinga perfekt, i det eg var ferdig og hadde fokka ute var det tid for å runde. Her var det tilløp til kaos med båtar som kjempa for å komme seg rundt på rett side i den sterke straumen, båtar som kom nedover i "feil fil" der spinnakeren skulle vore ned for lengst etc, litt kluss fekk eg med ein Bavaria som ikkje kom på kurs, men eg tapte ikkje mykje på det.

Jevnt med Erling mot fyrste runding er stas!


Roy bak er alltid stas, men varar sjelden lenge, gratulerar med 2. plassen:)


Her ved fyrste runding, Jørund rundar og ein lyse blå gennaker nermar seg:)

Foto: John Elter

Så var det tid for å krysse oppover dei 6 nautiske til den sørlege bøyen, stor dønning i mot gjorde at eg mista ryggmargsrefleksen på om ting er ok eller ikkje. Rorpress og alt anna var annaleis og det blei ein del prøving og feiling på trim og høyde før eg kom inn i eit nokonlunde greit spor. Roy-lokomotiv kom og gjekk forbi, høgare og fortare, men eg holdt mange andre. Det tok tid i den sterke motstraumen og mot slutten av strekket gjorde eg eit par skikkelig dårlege slag. Møtte Erling i ein styrbord/babord situasjon og han tok fryktlig mykje på meg siste halvtimen der oppe. Pakking og kobling av gennaker i skiftande vind og med ein autopilot som ikkje vil seile etter vinden, berre på kurs følte eg at eg tapte ein god del på.

Ellers bomma eg som mange, mange andre og måtte ta eit ekstra slag rundt bøyen, det er ikkje lett å berekne dette i så kraftig straum... Det var ellers hyggelig å treffe på båtar som First 36.7, X-37, Hanse 400, Elan 37 etc alle med rundt 1,30 i LYS ved 2. runding. Ingen av dei satte gennaker/spinnaker ned på legget til Marsteinen, men eg følte at eg måtte det for å halde farten i den løyande vinden og berre kryssfokk og med sjølvtilliten i orden etter forrige opp og nedtak gav eg jernet, opp med greiene, super setting denne gongen også og eg klarte slik å runde like før desse raskare båtane ved Marsteinen, nedtaket gjekk greit og så var det berre å fintrimme og halde konsentrasjonen innover, eg pakka og kobla gennakeren igjen rett før me skulle falle av ned mot mål, eg var redd det var lite vind innover, sjølvsagt måtte det skjære seg denne gongen og her røyk nok 5. plassen. Gennakeren satt fast i posen, men det haste med å få den opp så eg drog til slik at festet på gennaker-posen rakna, men fekk delvis opp gennakeren. Posen vart liggande på dekk til etter målpassering, men då fall den i sjøen og sokk.

Det vart skarpt innover mot mål og det mangla nokre meter opp på fallet når eg fekk krampe i armen, fallvinsjen var opptatt av gennakerskjøte sidan fokkeskjøte og gennakerskjøte normalt brukar samme vinsj og dermed må eg bruke ein anna vinsj før eg får rulla inn fokka. Med krampe var det berre å gløyme å få gjort om på dette så det vart litt på hogg og belegg innover, men eg haldt no farten nåkenlunde sjølv om to genoa 1 båtar gjekk forbi utan gennaker... Visp så var dette eventyret over, kjempegøy, krevande og slitsomt.

Det vart sein kveld før eg kunne fortøye på Lervik kl. 23.

Her eit av dei få høgdepunkta på den 5 timar lange motorturen heim igjen


Også, litt fleire bilder når me fyrst held på:)

To ringrevar frå Stord:)


Flott båt! Trond Wickman sin Yabadoo, Hanse 430


Han kom 5 min før på korrigert tid, men i anna klasse...

Opp før fuglane...

Av og til er det praktisk å jobbe på Fitjar, som feks når ein skal nordover med båten og seile Bergen Singlehanded. Opp kl 0530 i dag og løsna tamp 0550. Godt å ha cockpitkalesje og varme ute i dette vere, svært skiftande, periodevis øspøs, i skrivande stund er eg utanfor Dåfjorden, kl 0650

Bergen Singlehanded!

FRI har meldt seg på Bergen Singlehanded, huhei, spennande!

Tirsdagsseilas, ein ny opptur!

Med bris frå vest vart løpet for dei 9 startande lagt under bruene, frå sør mot nord. Yr meldte om aukande vind frå kl. 19, det slo ikkje til og dermed vart løpet i lengste laget for dei utan genn/spinn.

For meg og faderen vart det derimot ein ny opptur!

Me kom på helane i starten, 59 sekund gjekk det frå startskuddet til me passerte startlinja, kva er det me driv med??? I den lette vinden frå vest såg det skummelt ut, men god høgde gjer at me ikkje taper så mykje som før til tross for at savnet etter ein genoa 1 er stort i slik vind. I dag kunne me sjå at dei framfør gjekk inn i lite vind opp over mot Føyno, me slo ut igjen og tjente stort på det og kom oss føre Silje og Average Joe ved Klasen og like bak The Gangdals som leda der...

Ettermiddagens høgdepunkt vart likevel gennaker-duellen med Silje frå Bømlabrua og nedover under Stordbrua. Me satte gennaker ei båtlengde bak, men sneik oss forbi før dei hadde fått orden i sysakene, fast bestemt på at no skulle det jobbast skikkelig for å halde på "ledelsen". Me hadde Karl Otto ombord på treningsseilasen i april og då sa han at vinsjen aldri skulle stå i ro når ein seiler gennaker i lett vind, som sagt som gjort! Det funka i dag iallefall, me beholdt "ledelsen" over Silje heilt til mål og tok kraftig innpå The Gangdals også på slutten slik at me sikra 2. plass på korrigert tid.

Tirsdagseilas 23. august

Foto: Trond Taraldsøy

Denne tirsdagsseilasen skulle eg ikkje vere med på, men med fjelltur i sikte til helga vart det likevel ein opning i siste liten. Det vart derfor ikkje tid til å hente inn mannskap og litt frista var eg også til å prøve meg åleine mtp Bergen Singelhanded som eg vurderer å prøve meg på 10. september.

Starten var utrulig svak, kom litt i le for Ove og var nest siste over startlinja, langt bak dei beste. Heldigvis var alle unntatt Jørund så hyggelege at dei stoppa ved Ystøya og venta på meg, der kom eg i godt sig og seig gjennom heile feltet og fekk vind fyrst, meir flaks enn fortjent.

Over fjorden kom til slutt Chablis og Cloelia og gjekk forbi rett før Hidlekalven. Det er litt for lite punch i genoa 3en i så lett vind, men eg tapte også ein del på autopilotkjøring medan eg kobla gennakeren, kom for langt nord. Setting av gennakeren gjekk fint hvis det ikkje hadde vore for at spinnlocken stod open så når eg slapp fallet raste det ut eit par meter før eg fekk stoppa det. Med trykk i gennakeren var det berre å starte vinsjinga, hardt arbeid for ein utrent mann, små tabbar vert fort store problem når ein seilar åleine, men dette gjekk rimeleg greit. Når fyrst gennakeren satt gjekk det betydelig betre enn med dei utan pølse og over fjorden tilbake gjekk det akkurat fint å halde god fart og nødvendig høyde, ca 60 grader apparent wind, det skal ikkje så mykje meir vind til før det blir trøblete, men det gjekk fint med 7-7,5 knop over fjorden. Ein av få gonger der det var betre med gennaker enn spinnaker:)

Eg fekk god tid til å tenke på korleis eg skulle ta ned beiste uten å falle av, men teorien om å skjule den bak genoa og storseilt haldt ikkje stikk, det vart tungt å få den ned med trykk i og delar av den var nede i sjøen, men det kunne vore verre, men dei bak tok likevel kraftig inn på. Fekk heller ikkje noko god fart frå Ystøya og inn, men regna med DH LYS-tallet 1,19 klarte eg 3. plassen av 9 båtar og det er storveis mtp åleine seiling, men det vart ekstremt tett, berre 9,5 sekunder foran Average Joe på korrigert tid! Cloelia hoppa frå 5. til 3. plass når LYS-tallet vart justert frå 1,17 til 1,16 som er riktig ihht målebrevet!

Etter seilasen måtte eg og FRI ha litt kvalitetstid saman, angivelig for å tørke gennakeren:) Men det løya heilt i fjorden så til slutt vart det motor likevel...

Håkonar - del 2

Me starta del 2 som me gjorde i del 1. God start og god båtfart ned Fitjarvika. Me hadde bestemt oss for at det var for kraftige råser til at me ville freista gennakeren og det viste seg å vere smart. I gårsdagens seilas kniva me med Silje frå Stokksundet til mål, men kom ikkje forbi, me hadde derfor i godt lag lova Roy bilde av Silje framante i søndagens regatta. Me held sjølvsagt ord:)

Men det skulle ikkje vare, sterk vind møtte oss i Langenuen, Saftsuse, dette vart heftig. Ei stund var det meir snakk om å overleve og ikkje ødlegge noko enn å seile regatta. 15-17 ms i trynet er mykje, altfor mykje slik FRI er satt opp no. Med delvis innrulla fokke byrjar problema, den ser ut som ein sekk og me må falle mykje for å få trykk og når ein då får trykk, ja så er det så altfor mykje...


Me vart klart sist i dag der Åsmund heilt klart imponerte mest ved å seile Blåfugl så bra, åleine i den vinden...

4. plass overall er me likevel strålande nøgde med, godt jobba Øystein!

Håkonarseilasen, del 1

I går var det endeleg vår dag, 2. plass i mål er me sjølvsagt svært nøgde med eg og Øystein. Litt trøbbel underveis fekk me då fallet til gennakeren løsna og både seil og strømpe for i sjøen. Heldigvis fekk me det opp utan skader. Videre måtte me ta den fokka og bruke fokkefallet. Svært triveleg på Smedholmen, no er det klart for riggklatring for å få ned fallet og finne ut kva som røyk, før del 2 opp gjennom Nuen til Leirvik startar kl 11.